Tri artist yn cofio eu hathro celf yn y Bala, Glyn Baines – NewsEverything Wales

Wrth i’r blynyddoedd fynd heibio, a finne’n gwneud gyrfa yn y celfyddydau fy hun, fe drodd y byrddau rywfaint, a byddai Glyn yn fy ngwahodd i mewn i’r stiwdio i weld ei waith, fel petawn i’n diwtor ac yntau’n ddisgybl. Ac roedd y gwaith yn mynd yn fwy a mwy haniaethol, mwy cyfoes, mwy ifanc wrth iddo heneiddio. Rhesi o weithiau ar eu hanner dros y waliau ac ar yr easel, a’r llawr wedi ei orchuddio’n gyfan gwbl gan dafelli o bapur bob lliw.